Zindagi bhi na jaane hamaara kaisa imtehaan leti hai
Jisse kari mohabbat wahi jaan leti hai
Uska chehra kabhi bhula nahi sakte
Aankhon se tasveer uski mita nahi sakte
Mohabbat hamaari ek adhoori kahani hai
Pyaar se juda hokar hamein zindagi bitaani hai
Us khuda se bas yehi sawaal karte hain,
Kyon hum apne yaar ko itna pyaar karte hain
Har galti gustaakhi ko uski hum maaf kar jaate hain
Apne hi aansu apni aankhon mein dabaa jaate hain
Kya kahein us paththar ki moorat se jisne yeh duniya banayi hai
Kyon hamari mohabbat ko humse door kar usne humse ki ruswaai hai
Shayad us khuda ko kabhi rona aata hoga
Kyonki bewafaai bhi duniya mein usi ki den se aayi hai
Uske azeez hote hue bhi usse door hain hum
Kya kahein kisse kahein hum apne yeh gum
Shayad inhi sab dukhon ke beech yeh duniya basti aayi hai
Kisi ke naseeb mein mohabbat hai aur kisi ke naseeb mein judaai hai
-- Written by Raveesh Malhotra on 12/10/2007 at 2.32AM
Subscribe to:
Post Comments (Atom)
No comments:
Post a Comment